::: ਰਾਵਣ :::
( ਬਿਕਰਮਜੀਤ ਸਿੰਘ 'ਜੀਤ'
sethigem@yahoo.com )
ਪਾਪ ਕਮਾਇਆ ਸੀ ਰਾਵਣ ਨੇਂ
ਸਦੀਆਂ ਤੋਂ ਓਹ ਫੂਕਿਆ ਜਾਵੇ
ਸੱਚ ਭਲਾਈ ਓੜਕ ਉਭਰੇ
ਝੂਠ ਬੁਰਾਈ ਲਾਹਨਤ ਖਾਵੇ
ਪਰ ਅਜ ਸਰੇ-ਆਮ ਹਾਂ ਫ਼ਿਰਦੇ
ਰਾਵਣ ਵਰਗੇ ਕਰਮ ਅਸਾਂ ਦੇ
ਪਾ ਕੇ ਉੱਪਰ ਖੱਲ ਭੇਡ ਦੀ
ਪਰ ਤਨ ਧਨ ਤੇ ਨਜ਼ਰ ਟਿਕਾਂਦੇ
ਭੇਖੀ ਭਗਤ ਹਾਂ ਬਗਲੇ ਵਰਗੇ
ਧਰਮ ਕਰਮ ਦੀ ਡੋੰਡੀ ਕਰੀਏ
ਕਥਨੀ ਕਰਨੀ ਵੱਖ ਵੱਖ ਸਾਡੀ
ਨਿਜ-ਹਿਤ ਕਾਰਣ ਆਗੂ ਬਣੀਏ
ਈਸ਼ਵਰ ਦੇਵੇ ਸਦਬੁਧੀ ਸਾਨੂੰ
ਮੱਤ ਸਾਡੀ ਹੁਣ ਆਵੇ ਥਾਂ
ਲਈਏ ਮੂਲ ਪਛਾਣ ਆਪਣਾਂ
ਸੱਚੇ ਪਿਤਾ ਦਾ ਜਪੀਏ ਨਾਂ
ਆਓ ਚੁਕਿਏ ਮਿਲ ਕੇ ਬੀੜਾ
ਬਣਾਈਏ ਸੁਥਰਾ ਇਹ ਸੰਸਾਰ
ਕਰੀਏ ਕਰਮ ਸਦ ਉੱਚੇ ਸੁੱਚੇ
ਰਾਵਣ ਮਨ ਚੋਂ ਸੁੱਟੀਏ ਬਾਹਰ
ਅਸੀਂ ਪ੍ਰਭੂ ਦੀ ਅੰਸ਼ ਹਾਂ ਸਾਰੇ
ਇਹ ਗਲ ਪੱਕੀ ਲਈਏ ਜਾਣ
ਕੱਲ ਵੀ ਸਤਯੁਗ ਵਾਂਗੂੰ ਲੱਗੇ
ਕਰੀਏ ਉੱਦਮ ਰੱਬ ਦੇਵੇ ਤਾਣ
'ਜੀਤ' ਦੀ ਮਨਸ਼ਾ ਹੋਵੇ ਪੂਰਨ
ਕਰੇ ਮੇਹਰ ਓਹ ਸੱਚਾ ਸਾਈਂ
ਦਾਨਵਤਾ ਦੀ ਬੱਲੇ ਹੋਲੀ
ਜਿੱਤੇ ਮਾਨਵਤਾ ਹਰ ਥਾਈਂ
=====================
::: RAVAN :::
( Bikramjit Singh ‘Jit’ – sethigem@yahoo.com )
PAAP KAMAIYAA SEE RAVAN NE
SADIYAAN TAO OH PHOOKIYAA JAAVE
SACH BHALAYEE ODAK UBHRE
JHOOTH BURAYEE LAHNAT KHAVE
PAR AJJ SARE-AAM HAAN PHIRDE
RAVAN VARGE KARAM ASAANDE
PAA KE UPPER KHALL BHED DEE
PAR TANN DHANN TE NAZAR TIKANDE
BHEKHEE BHAGAR HAAN BAGLE WARGE
DHARAM KARAM DI DONDI KARIYE
KATHNI KARNEE VAKH VAKH SAADI
NIJ-HITT KASRAN AAGU BANIYE
ISHWAR DEVE SADBUDHI SAANU
MATT SAADI HUN AAVE THAAN
LAYIE MOOL PACHHAAN AAPNAAN
SACHE PITA DA JAPIYE NAAN
AAO CHUKKIYE MILL KE BEEDAA
BANAIYE SUTHRA EH SANSAAR
KARIYE KARAM SADD UCHE SUCHE
RAVAN MAN CHAON KADHIYE BAHAR
ASSI PRABHU DI ANSH HAAN SAARE
EH GALL PAKKI LAIYE JAAN
KALL VI SATYUG VAANGUN LAGGE
KARIYE UDDAM RABB DEVE TAAN
’JIT’ DI MANSHAA HOVE POORAN
KARE MEHAR OH SACHAA SAYEEN
DANAVTAA DI BALLE HOLI
JITTE MANAVTAA HAR THAYEEN
No comments:
Post a Comment