**GHAR GHAR ANDAR DHARAMSAAL** ** ਘਰ ਘਰ ਅੰਦਰ ਧਰਮਸਾਲ **

** ਘਰ ਘਰ ਅੰਦਰ ਧਰਮਸਾਲ **

( ਬਿਕਰਮਜੀਤ ਸਿੰਘ "ਜੀਤ" )

ਘਰ ਘਰ ਅੰਦਰ ਧਰਮਸਾਲ, ਸੀ ਪ੍ਰਥਾ ਚਲੀ ਜਗ ਅੰਦਰ

ਨਾਮ ਦੀ ਉੱਥੇ ਬਰਖਾ ਹੁੰਦੀ, ਉਹ ਸੱਚਮੁਚ ਸੀ ਹਰਿਮੰਦਰ

ਸੰਗਤ ਜੁੜਦੀ ਸਾਂਝ ਪ੍ਰਭਾਤੀ, ਹਰਜੱਸ ਕੱਥਾ ਕੀਰਤਨ ਹੋਂਦੇ

ਜੱਪ ਤੱਪ ਲੋਕੀਂ ਆ ਕੇ ਕਰਦੇ, ਨਿਤ ਅਪਣਾਂ ਹਿਰਦਾ ਧੋਂਦੇ

ਜੋ ਆਂਦਾ ਸੋ ਰਾਜ਼ੀ ਜਾਂਦਾ, ਨਾਲ ਰਹਿਮਤਾਂ ਭਰਦਾ ਝੋਲੀ

ਮਨ ਬਾਂਛਤ ਫ਼ਲ ਮਿਲਦੇ ਉਸਨੂੰ, ਜੋ ਜਾਂਦਾ ਗੁਰੂ ਤੋਂ ਘੋਲੀ

ਲੰਗਰ ਗੁਰੂ ਦਾ ਚਲੇ ਨਿਰੰਤਰ, ਤ੍ਰਿਪਤ ਹੋਵਣ ਮਾਈ ਭਾਈ

ਕਰਕੇ ਤੱਨ ਮਨ ਧਨ ਦੀ ਸੇਵਾ, ਸਨ ਕਰਦੇ ਸਫ਼ਲ ਕਮਾਈ

ਲੰਘਿਆ ਸਮਾਂ ਹੁਣ ਧਰਮਸਾਲ ਨੂੰ, ਨੇਂ ਕਹਿੰਦੇ ਗੁਰੂਦੁਆਰਾ

ਉੱਚੀਆਂ ਉੱਚੀਆਂ ਕੰਧਾਂ ਉੱਤੇ, ਲਗਿਆ ਸੰਗਮਰਮਰ ਭਾਰਾ

ਗੁੰਬਦ ਅਤੇ ਪਾਲਕੀ ਉੱਪਰ, ਵੇਖੋ ਲਗਿਐ ਸੋਨਾ ਈ ਸੋਨਾ

ਪਹਿਰਾ ਹੁਣ ਕਲਜੁਗ ਦਾ ਇੱਥੇ ਜਿਨ੍ਹੇਂ ਮਲਿਐ ਕੋਨਾ ਕੋਨਾ

ਪਾਠ ਕੀਰਤਨ ਕੱਥਾ ਸਮਾਗਮ, ਹੈ ਆਈ ਇਨ੍ਹਾਂ ਦੀ ਹੋੜ

ਕਰਮਕਾਂਡ ਹੁਣ ਵਧਦੇ ਜਾਂਦੇ, ਪਈ ਸੱਚੀ ਸ਼ਰਧਾ ਦੀ ਥ੍ਹੋੜ

ਮਰਯਾਦਾ ਨੂੰ ਤਾਕ ਤੇ ਰੱਖ ਕੇ, ਬਣ ਗਈ ਏ ਦੁਕਾਨਦਾਰੀ

ਸ਼ਰਮ ਨਾਲ ਸਿਰ ਨੀਵਾਂ ਹੋਂਦੈ, ਇਹ ਵੇਖ ਕੇ ਕਾਰਗੁਜ਼ਾਰੀ

ਬਹੁਤੇ ਗੁਰੂ ਘਰਾਂ 'ਚ ਲਾਇਐ, ਅਜ ਸਿਆਸਤ ਨੇਂ ਡੇਰਾ

ਲਾਲੋ ਜੇਹੇ ਕਰਕੇ ਪਾਸੇ, ਪਾਇਐ ਮਲਕ ਵਰਗਿਆਂ ਘੇਰਾ

ਹੋ ਰਹੇ ਨੇਂ ਪ੍ਰਚਾਰ ਕਰਨ ਹਿਤ, ਸਮਾਗਮ ਅੱਤ ਖਰਚੀਲੇ

ਪਵਿੱਤਰ ਗੁਰੂ ਕੇ ਲੰਗਰ ਵੀ ਹੁਣ, ਬਣ ਗਏ ਭੋਜ ਰਸੀਲੇ

ਲਿਸ਼ ਲਿਸ਼ ਕਰਦੇ ਗੁਰੂਦੁਆਰੇ, ਐਪਰ ਸੰਗਤ ਹੋਈ ਸਵਾਈ

ਸਮਾਂ ਸੰਭਾਲ ਸਵੋ ਗੁਰਸਿੱਖੋ, ਲੋੜ ਸਹੀ ਪ੍ਰਚਾਰ ਦੀ ਆਈ

ਆਓ ਉੱਦਮ ਕਰੀਏ ਐਸਾ, ਪ੍ਰਣ ਕਰੀਏ ਅਸੀਂ ਇਹ ਸਾਰੇ

ਇਕ ਇਕ ਸਿੱਖ ਇਕ ਇਕ ਨੂੰ ਪ੍ਰੇਰੇ, ਲੈ ਆਵੇ ਗੁਰੂਦੁਆਰੇ

ਮਹੰਤਾਂ ਤੋਂ ਸਨ ਮੁਕਤ ਕਰਾਏ, ਜਦ ਅਸਾਂ ਇਹ ਗੁਰੂਦੁਆਰੇ

ਸ਼ੁਕਰ ਗੁਰੂ ਦਾ ਕੀਤਾ ਸੀ ਤਦ, ਇਕ ਮੁੱਠ ਸਾਂ ਅਸੀਂ ਸਾਰੇ

ਗੁਰੂ ਘਰਾਂ ਦੀ ਰਾਖੀ ਦੇ ਹਿਤ, ਕੁਝ ਅਜ ਵੀ ਐਸਾ ਕਰੀਏ

ਛੱਡ ਕੇ ਮਨਮੱਤ ਨੂੰ ਅਸੀਂ, ਗੁਰਮੱਤ ਦਾ ਹੁਣ ਪੱਲਾ ਫੜੀਏ

ਆਓ ਸਿੰਘੋ ਮਾਰਕੇ ਹਮਲਾ, ਇਕਜੁੱਟ ਅਸੀਂ ਹੋਈਏ ਸਾਰੇ

ਚੇਤੇ ਕਰੀਏ ਵਿਰਸਾ ਅਪਣਾਂ, ਅਤੇ ਬਚਾਈਏ ਗੁਰੂਦੁਆਰੇ

ਸੱਦਬੁਧੀ ਸਾਨੂੰ ਬਾਬਾ ਦੇਵੇ, "ਜੀਤ" ਕਾਰਜ ਸ਼ੁੱਭ ਕਰੀਏ

ਧਰਮਸਾਲ ਦੇ ਵਾਂਗਣ ਹੀ ਅਜ, ਇਹ ਗੁਰੂਦੁਆਰੇ ਕਰੀਏ

--::--

**GHAR GHAR ANDAR**

**DHARAMSAAL**

( Bikramjit Singh “Jit” – sethigem@yahoo.com )

Ghar ghar andar dharamsaal, 
see pratha challi jag andar

Naam di uthe barkhaa hundi, 
oh sachmuch see harmandar

Sangat jud-di saanjh prabhaati, 
harjas katha kirtan honde

Japp tapp lokee aa ke karde, 
nitt apnaa hirdaa dhonde

Jo aandaa so raazi jaandaa, 
naal rehmataan bhardaa jholi

Man baanchhat phall milde usnu, 
jo jaandaa guru tao gholi

Langar guru da challe nirantar, 
tript hovan mayee bhayee

Karke tan man dhan di sewa, 
sann karde safal kamayee

Langhiyaa samaa hunn dharamsaal nu, 
kehnde gurudwara

Uchiyaan uchiyaan kandhan utte, 
lagiya samgmarmar bhara

Gumbad atte paalki upper, 
vekho lagiyai sonaa ee sonaa

Pehra hunn kaljug da ithe, 
jinhen malliyai kona kona

Paath kirtan kathaa samaagam, 
hai aayee inhaan di hodh

karamkand hun wadhde jaande, 
payi sachi shardha di thodh

Maryadaa nu taak te rakh kel, 
bann gayee e dukaandaari

Sharam naal sirr neevaan hondai, 
eh vekh kei kaarguzaari

Bahutei guru gharaan ’ch laayai, 
ajj siyaasat nei deiraa

Laalao jehe karkei paasei, 
paaiyai malak wargiyaan gheraa

Ho rahe ne parchaar karan hitt, 
samagam att kharcheelei

Pavittar guru ke langar vee hunn, 
ban gayei bhoj raseelei

Lish lish karde gurudwaare, 
aipar sangat hoyee sawaayee

Samaa sambhaal lavo gursikho, 
lodh sahi parchaar di aayee

Aao uddam kariye aisaa,
 prann kariye assee eh saarei

Ik ik sikh ik ik nu parerei,
 lai aavai gurudwaare

Mahantaan tao san mukat karaye, 
jad asaan eh gurudware

Shukar guru da keeta see tadd, 
ik muth saan assi saarei

Guru gharaan di rakhi de hitt, 
kujh ajj vi aisaa kariye

chhadd ke manmatt nu assi, 
gurmatt da hun pallaa phadiye

Aao singhao maar ke hamlaa, 
ikjutt assi hoyiye saarei

Chetaa kariyei virsaa apnaa, 
atte bhachaiye gurudware

Sadbudhi saanu baba deve, 
”Jit” karaj shubh kariyei

Dharamsaal de vangan hi ajj, 
eh gurudware kariyei

--::--