BIKRAMJIT SINGH "JIT"

Sunday, 18 December 2011

<< मेरा मेरा >>

मेरा मेरा करके बन्दे, तूनें आयू समस्त गुज़ारी

प्रभु भक्ति व् जन की सेवा, कदापि न ह्रदय धारी

उलझा माया जाल में इतना, मूल गया तू भूल

भुला के सच्चे साईं को, रहा मोह ममता में झूल

संयोगवश हैं पाये तूनें, यह बहन भाई सन्बन्धी

साथ तेरा न देगा कोई, टूटी जब श्वासों की सँधी

टूटे किसी घड़े से जैसे, रहे रिसता टिप टिप पाणी

वैसे ही श्वासों की पूँजी, जाये घटती हर पल प्राणी

व्यर्थ गवा न समय "जीत"तूँ, सत्य मार्ग अपनाले

श्वास आगामी आये न आये, महिमां प्रभु की गा ले

हो सुचेत कर आत्ममंथन, दिव्य ज्योत तू पाएगा

सफ़ल व् खुश्मय जीवन होगा, अंत पर्मपद पाएगा

<><><><><><>

* ਦਸਤਾਰ *

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ, ਸਜੇ ਜਿਨ੍ਹਾਂ ਦੇ ਸਿਰ ਦਸਤਾਰ

ਗੁਰਸਿੱਖੀ ਦੀ ਇਹ ਨਿਸ਼ਾਨੀ, ਸ਼ੋਭਾ ਇਸਦੀ ਅੱਤ ਅਪਾਰ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਦਸਤਾਰ ਗੁਰੂ ਦੀ ਦੇਣ ਪਿਆਰੀ, ਹਰ ਸਿੱਖ ਦੀ ਹੈ ਆਨ ਤੇ ਸ਼ਾਨ

ਬਿਨ ਦਸਤਾਰ ਹੈ ਸਿੰਘ ਅਧੂਰਾ, ਪਾਵੇ ਕਿਤੇ ਨ੍ਹਾਂ ਆਦਰ ਮਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਇਹ ਨਹੀਂ ਸਾਨੂੰ ਐਵੇਂ ਮਿਲੀ, ਐਵੇਂ ਨਹੀਂ ਹੈ ਸਿੱਖ ਦੀ ਸ਼ਾਨ

ਕੀਮਤ ਗੁਰਾਂ ਚੁਕਾਦੀ ਭਾਰੀ, ਜਾਣੇਂ ਦੁਨੀਆਂ ਕੁੱਲ ਜਹਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਪੰਚਮ ਪਿਤਾ ਤਵੀ ਤੇ ਬੈਠੇ, ਨੌਵੇਂ ਗੁਰਾਂ ਦਿੱਤਾ ਬਲੀਦਾਨ

ਛੇਵੇਂ ਪਿਤਾ ਨੇਂ ਖਾਤਰ ਇਸਦੇ, ਕੀਤਾ ਸੀ ਭਾਰੀ ਘਮਸਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਦਸਮ ਪਿਤਾ ਕੰਡਿਆਂ ਤੇ ਸੁੱਤੇ, ਕੀਤਾ ਅਪਣਾਂ ਸੁੱਖ ਕੁਰਬਾਨ

ਲਖ਼ਤੇ ਜਿਗਰ ਸ਼ਹੀਦ ਕਰਾਏ, ਸਾਹਿਬਜ਼ਾਦੇ ਚਾਰ ਮਹਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਸ਼ਹੀਦ ਹੋ ਗਏ ਸਿੰਘ ਅਨੇਕਾਂ, ਹੱਸ ਹੱਸ ਕੇ ਉਨ੍ਹਾਂ ਦਿੱਤੀ ਜਾਨ

ਐਪਰ ਦਾਗ ਨ ਲਗਣ ਦਿੱਤਾ, ਘਟਣ ਨ੍ਹਾਂ ਦਿੱਤੀ ਇਸਦੀ ਸ਼ਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਬੰਦਾ ਸਿੰਘ, ਰਣਜੀਤ ਤੇ ਨਲੂਆ. ਫ਼ੂਲਾ ਸਿੰਘ ਜਹੇ ਜੋਧੇ ਮਹਾਨ

ਲਾ ਗਏ ਚਾਰ ਚੰਨ ਸਭ ਇਸ ਨੂੰ, ਵਧਾ ਗਏ ਦਸਤਾਰ ਦੀ ਸ਼ਾਨ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

ਆਓ ਕਰੀਏ ਅਸੀ ਇਸਦੀ ਰਾਖੀ, ਬਣੀਏ ਹੁਸ ਸੱਚੇ ਸਰਦਾਰ

ਅਪਣਾਂ ਵਿਰਸਾ"ਜੀਤ"ਨ ਭੁਲੀਏ, ਕਰੀਏ ਸਿੱਖੀ ਦੇ ਨਾਲ ਪਿਆਰ

ਸਿੰਘ ਗੁਰੂ ਦੇ ਸੁਹਣੇਂ ਲਗਦੇ ..........

* ਜਨਮ ਦਿਨ - ਇਕ ਪੜਾਵ *

ਹਰ ਜਨਮ ਦਿਨ ਇਕ ਪੜਾਵ ਵਾਕਣ,

ਕੁਝ ਅਮਨ ਤੇ ਖੁਸ਼ੀ ਦਾ ਸਾਹ ਹੁੰਦੈ

ਆਤਮ ਚਿੰਤਨ ਦੀ ਪੈਂਦੀ ਏ ਲੋੜ ਇੱਥੇ,

ਗੁਜ਼ਰੇ ਸਾਲ ਦੇ ਲੇਖੇ ਦਾ ਜੋੜ ਹੁੰਦੈ

ਮੱਤੇ ਸੱਜਰੇ ਬਹਿ ਅੱਜ ਬਣਾਏ ਬੰਦਾ,

ਸੁਫ਼ਨੇ ਨਵੇਂ ਵੀ ਰੰਗਣੇ ਉਡੀਕਦਾ ਏ

ਕੀ ਛੱਡਣੈ ਤੇ ਕੀ ਕੁਝ ਨਵਾਂ ਕਰਨੈ,

ਵਿਓਂਤਾਂ ਅਗੋਂ ਦੇ ਲਈ ਉਲੀਕਦਾ ਏ

ਸਜਣ ਮਿੱਤਰ ਗੁਆਂਢੀ ਤੇ ਸਨਬੰਧੀ,

ਦੇਣ ਵਧਾਈਆਂ ਤੇ ਸ਼ੁਭ ਸੰਦੇਸ਼ ਸਾਰੇ

ਚੜ੍ਹਿਆ ਸੂਰਜ ਵੀ ਅੱਜ ਦਾ ਨਵਾਂ ਲਗੇ,

ਛਾਈ ਰੁੱਤ ਸੁਹਾਵਣੀ ਪਾਸੇ ਚਾਰੇ

ਐਪਰ ਸੱਚ ਹੈ ਇਹ ਵੀ ਸੋਲਾਂ ਆਨੇਂ,

ਵੱਧੇ ਉਮਰ ਪਰ ਸਾਲ ਤਾਂ ਜਾਂਣ ਘੱਟਦੇ

ਜੀਵਨ ਪੂੰਜੀ ਚੋਂ ਹਰ ਜਨਮ ਦਿਨ ਤੇ,

ਇਕ ਇਕ ਕਰਕੇ ਜਾਂਦੇ ਨੇਂ ਇਹ ਛੱਟਦੇ

ਛਾਲਾਂ ਮਾਰ ਕੇ ਬਚਪਨ ਲੰਘ ਜਾਂਦੈ,

ਵਿਚ ਉਡਾਰੀਆਂ ਜਵਾਨੀ ਅਲੋਪ ਹੁੰਦੀ

ਬਿਨ ਬੁਲਾਏ ਬੁਢਾਪਾ ਵੀ ਆਣ ਵੜਦੈ,

ਆਖਰੀ ਸਫ਼ਰ ਦੀ ਫ਼ੇਰ ਉਡੀਕ ਹੁੰਦੀ

ਭਾਵੇਂ ਕਿਸੇ ਪੜਾਵ ਤੇ ਹੋਈਏ ਅੱਸੀਂ,

ਪੱਕੀ ਬੰਨ੍ਹੀਏ ਪੱਲੇ ਇਹ ਹੁਣ ਗੱਲ ਸਾਰੇ

ਬੀਤੇ ਸਮੇਂ ਨੂੰ ਭੁਲ ਕੇ ਅਗੇ ਵਧੀਏ,

ਫੜੀਏ ਉਜਲੀ ਤੇ ਸੱਚ ਦੀ ਡਗਰ ਸਾਰੇ

ਹੋਵੇ ਓਸਦਾ ਹਰ ਪਲ ਸਫ਼ਲ ਇਥੇ,

ਹਰ ਪੜਾਵ ਉਸਦਾ ਅੱਤ ਖੁਸ਼ਹਾਲ ਹੋਵੇ

ਵਿਸਰੇ ਕਦੇ ਨ੍ਹਾਂ ਜਿਸਨੂ ਸਾਈਂ ਸੱਚਾ,

ਅੰਦਰ ਨਾਮ ਦੀ ਜਗਮਗ ਮਸ਼ਾਲ ਹੋਵੇ

ਹੁੰਦੈ ਸਾਲ ਇਕ ਇਕ ਬੜਾ ਕੀਮਤੀ ਜੀ,

ਡੂੰਘੀ ਸੋਚ ਨਾਲ ਮੱਤੇ ਪਕਾ ਲਈਏ

ਐਸਾ ਕੁਝ ਕਰੀਏ ਖ਼ੁਦ ਤੇ ਫ਼ਖ਼ਰ ਹੋਵੇ,

"ਜੀਤ" ਸਭ ਨੂੰ ਆਪਣਾ ਬਣਾ ਲਈਏ

:: ਅੰਬ ਦਾ ਬੂਟਾ ::

ਬੂਟਾ ਅੰਬ ਦਾ ਲਾਕੇ ਤੱਕ ਲਾਓ, ਫ਼ਲ ਅੱਤ ਮਿੱਠੇ ਪਾਓਗੇ

ਮਿਲਣੇ ਕੰਡੇ ਨਿਸਚਿਤ ਜੇਕਰ, ਬੀਜ ਕਿੱਕਰ ਦਾ ਲਾਓਗੇ

ਕਰੋ ਭਲਾਈ ਮਿਲੇ ਭਲਾਈ, ਕੁਦਰਤ ਦਾ ਹੈ ਨਿਯਮ ਮਹਾਨ

ਹੁੰਦੈ ਬੁਰਾ ਬੁਰਾਈ ਦਾ ਫ਼ਲ, ਗੱਲ ਪੱਕੀ ਇਹ ਰੱਖੋ ਧਿਆਨ

ਉਜਲੇ ਕਰਮ ਤੇ ਜਗਤ ਭਲਾਈ, ਜਿੰਨੀ ਹੋਵੇ ਕਰ ਲਓ ਜੀ

ਪਿਆਰ ਅਸੀਸਾਂ ਸੰਗ ਨੱਕੋਨੱਕ, ਝੋਲੀ ਆਪਣੀ ਭਰ ਲਓ ਜੀ

ਖੱਟੋਗੇ ਯਸ਼ ਵਿਚ ਦੁਨੀਆਂ ਦੇ, ਹਰ ਕੋਈ ਕਰਸੀ ਜੈ ਜੈ ਕਾਰ

'ਜੀਤ' ਸਕਾਰਥ ਜਨਮ ਕਰੋਗੇ, ਲਾਸੀ ਗਲ ਓਹ ਸਿਰਜਨਹਾਰ

Sunday, 27 November 2011

/// ਮੇਰੇ ਦਾਤਾ ///

/// ਮੇਰੇ ਦਾਤਾ ///

::::::::::::::::::

(Bikramjit Singh "Jit")

ਮੇਰੇ ਦਾਤਾ ਮੇਰੇ ਈਸ਼ਵਰ ਤੇਰੇ ਸਦ ਬਲਿਹਾਰੇ ਜਾਵਾਂ

ਹੋਵੇ ਕ੍ਰਿਪਾ ਤੇਰੀ ਜੇਕਰ ਪੱਲਪੱਲ ਤੇਰਾ ਨਾਮ ਧਿਆਵਾਂ

ਕੀ ਮੰਗਾਂ ਮੈਂ ਰੱਬਾ ਤੈਥੋਂ ਵਿਣ ਮੰਗਿਆਂ ਹੀ ਤੂੰ ਦੇਂਦਾ ਹੈਂ

ਮਨੋਕਾਮਨਾਂ ਹਰ ਇਕ ਮੇਰੀ ਪੂਰਨ ਨਿੱਤ ਕਰੇਂਦਾ ਹੈਂ

ਕਰਾਂ ਬੇਨਤੀ ਮੇਰੇ ਪ੍ਰੀਤਮ ਸੁਣ ਲੈ ਅਰਜ਼ ਇਹ ਮੇਰੀ ਤੂੰ

ਮੇਰੇ ਮਿੱਤਰਾਂ ਉੱਤੇ ਅਪਣੀ ਮਿਹਰ ਦੀ ਬਰਖਾ ਕਰਦੇ ਤੂੰ

ਨਜ਼ਰ ਸੁਵੱਲੀ ਤੇਰੀ ਹੋਵੇ ਵਰਤੇ ਖ਼ੁਸ਼ੀ ਸੰਧਿਆਂ ਤੇ ਭੋਰ

ਵੱਸੇ ਪਿਆਰ ਦਿਲਾਂ ਦੇ ਅੰਦਰ ਚਲੇ 'ਜੀਤ' ਸੁਹਾਣਾ ਦੌਰ

<><><><><>